പുസ്തകമേള
| തിരുവനന്തപുരം പുസ്തകമേള |
തിരുവനന്തപുരം പുസ്തകമേള
വിശദമായ വാര്ത്തകള്ക്ക് ഇവിടെ അമര്ത്തുക
തിരുവനന്തപുരം പുസ്തകമേള സംഘടിപ്പിക്കുന്നത് ഇന്സ്റ്റിറ്റ്യൂട്ടാണ്. കഴിഞ്ഞ നാല് വര്ഷങ്ങളായി ഡിസംബര് അവസാനം കനകക്കുന്ന് കൊട്ടാരത്തിലാണ് മേള നടന്നത്. വിദേശ പ്രസാധകര് അടക്കം നൂറിലേറെ പ്രസാധകര് പങ്കെടുക്കാറുള്ള ഈ മേള, ഇന്ത്യയിലെ തന്നെ ഏറ്റവും പ്രധാനപ്പെട്ട മേളകളിലൊന്നാണ് ലക്ഷക്കണക്കിന് പുസ്തകപ്രേമികളാണ് ഓരോ കൊല്ലവും ഈ മേള സന്ദര്ശിക്കുന്നത്. ദശലക്ഷക്കണക്കിന് രൂപയുടെ പുസ്തകങ്ങള് ഇവിടെ വിപണനം ചെയ്യപ്പെടുന്നു. എല്ലാ അന്താരാഷ്ട്ര പുസ്തകമേളകളിലുമുള്ളതുപോലെ റൈറ്റ്സ് ടേബിള് സൌകര്യം ഈ മേളയിലുമുണ്ട്. ഇന്ത്യയിലെയും വിദേശത്തെയും പ്രസാധകര്ക്ക് ഇതര ഭാഷകളിലേക്ക് പകര്പ്പവകാശം കൈമാറ്റം ചെയ്യുന്നതിനുള്ള പൊതുവേദിയാണിത്. ഇത്തരം സൌകര്യമുള്ള ഇന്ത്യയിലെ ഏക മേളയാണിത്. അതതു വര്ഷങ്ങളില് ആദ്യപതിപ്പായി പ്രസിദ്ധീകരിക്കുന്ന മികച്ച 10 പുസ്തകങ്ങള്ക്ക് തിരുവനന്തപുരം പുസ്തകമേള പുരസ്കാരം നല്കിവരുന്നു. 10,000 രൂപയും ഫലകവുമാണ് പുരസ്കാരം. കുട്ടികള്ക്കും എഴുത്തുകാര്ക്കും ചിത്രകാര്ക്കും ഒക്കെ ഉള്ള സര്ഗാത്മകപരിപാടികളാല് ശ്രദ്ധേയമാണ് ഈ മേള. രചനാശില്പശാല, ബാലസാഹിത്യശില്പശാല , കുട്ടികള്ക്കായി വരയ്ക്കുന്ന ചിത്രകാരരുടെ ശില്പശാല തുടങ്ങിയവയാണ് ഇതില് പ്രധാനം.എല്ലാ ദിവസവും പുസ്തകപ്രകാശനങ്ങളും കലാസാംസ്കാരിക പരിപാടികളും മേളയോടുനുബന്ധിച്ച് നടത്തിവരുന്നു.മുന്വര്ഷങ്ങളില് ഇന്ത്യയുടെ ബഹു. വൈസ് പ്രസിഡണ്ട് ഹമീദ് അന്സാരി, ജാമിയ മിലിയ വൈസ് ചാന്സലര് ആയിരുന്ന മുഷിറുള് ഹസന്, ഇന്ത്യയിലെ ക്യൂബന് അംബാസഡര് ആയിരുന്ന മിഗ്വല് ഏഞ്ചല് റാമിറെസ് റെമോസ്, പശ്ചിമ ബംഗാള് ഗവര്ണറായിരുന്ന ഗോപാല്കൃഷ്ണ ഗാന്ധി എന്നിവരാണ് മേള ഉദ്ഘാടനം ചെയ്തത്. വിദേശത്തു നിന്നും ഇന്ത്യയിലെ മറ്റിടങ്ങളില് നിന്നും നിരവധി എഴുത്തുകാരും പ്രസാധകരും ഈ മേളയില് പങ്കെടുക്കുന്നു.
കൂടുതല് വിവരങ്ങള്ക്ക് പുസ്തകമേള ബ്രോഷര് ഡൌണ്ലോഡ് ചെയ്യുക
പുസ്തകമേള - സ്റ്റാളുകള്ക്കുള്ള അപേക്ഷാഫോറം
കോപ്പിറൈറ്റ്സ് ടേബിള് - അപേക്ഷാഫോറം തിരുവനന്തപുരം പുസ്തകമേള പുരസ്കാരം - 2010 - അവാര്ഡ് ജേതാക്കള്
|
